Radyoya me îro, roja 11.02.2010 ê dest bi weşana xwe kir. Radyoya KurdFM, bi hêviya temenekî dirêj weşanekî bi kalîte û berkevtî bi awayekî bisporî dest bi weşanên xwe yê ceribandinê kir.

KURD FM; bi amadekariyekî baş û destpêşxeriyekî Kurdî ya dijwar dest bi weşanê kir.

Mebesta radyoya me berî hertiştî ewe ku; çanda Kurdî veguhezîne guhgirên xwe, bernameyên Çand û hunerê yên berkeftî pêşkeş bike, bernameyên Lêkolîn û vekolînê, dîsan belgenameyên giranbuha, hevpeyvîn û danasînên hêja amade bike û pêşkeş bike.

Radyoya me bi her aliyên xwe dê radyoyekî Kurdî be û bi tabybet ji bo Kurdan weşan bike. Lê muzîk û çanda cîhanî jî bi muzîk û lêkolînên xwe emê bighînine godarên xwe.

KURD FM dê hetanî 01.10.2010 ê di weşana ceribandinê de be. Piştî vê demê bi rengekî bisporî dê weşanên radyoyê bi bernameyên dewlemend dest pê bike.

Em hêvîdarin ku herkesê vê radyoyê godar bike, nêrîn û ramanê xwe, alîkarî û berhemên xwe bighîne radyoya KurdFM.

Me gavekî piçuk avêt lê hêviyên me mezinin. Em xeyalên ku pêk neyên nakin, lê xeyalên me yê mezin jî ji bo pêkanînê ne.

Bi hêviya jiyanekî xweş û geş,
Bi hêviya rojên ronî û dilên nerm û pirevîn
Bi hêviya ku hun demên xwe yên vala bi mere bibihurînin.

Rêvebiriya KurdFM

Agirî Soran
Hawar Salih

Têbînî: Hun li her devera ku înternet heyî dikarin radyoya me godar bikin. Eger bi telefonên xwe hun dikarin têkevin înternetê wê demê hun dikarin bi telefonên xwe jî radyoya me godar bikin.

Li gorê geroka xwe ya iternetê hun dê remzekî lêxerê hilbijêrin û têkevin radyoyê de.

Hertim serkeftî bin.